هلا والله فيك وغلا..

أنورت منتدياتنا بمقدمك
المنتدى منتداك والنور نورك

ياللؤلؤ المكنون يشرفنا حضورك
سجل معانا عشان نعرف علومك

تتشرف منتديات وناسه بدعوتك للتسجيل




 
الرئيسيةالبوابةالتسجيلدخول
.منتديات وناسه. ترحب بجميع الزوار و تتشرف بإستضافتهم .WaNaSaH.
إعلان هام   فتحنا باب الإشراف من يجد في نفسه الرغبه يتقدم بطلبه بقسم الشكاوي والإقتراحات  إعلان هام 
قريبا ستعاود البطوله نشاطها بالأيام القليله القادمه SOON


قريبا الإعلان عن قروب منتديات وناسه الرسمي بالفيس بوك
قريبا الإعلان عن قناة وناسه تيوب عاليوتيوبWaNaSaHtube
قريبا الإعلان عن   قروب وناسه الرسمي بالماسنجر
لاتفوتكم مقابلة كونان وناسه مع الإداريRaYaN  
لاتفوتكم مقابلة كونان وناسه مع المراقب حــمــودي  

شاطر | 
 

 كلام جده ---جده كلام >>>هادا كلامهم

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
¨˜˜°º̶̶ƷE$tfhaMƸ̶º°˜˜¨
مراقب عام
مراقب عام


مساحه إعلانيه : مساحه إعلانيه
عدد المساهمات : 1278
تاريخ التسجيل : 13/09/2009
ذكر رصيدي بالبنك : 11323
التقييم : 6

مُساهمةموضوع: كلام جده ---جده كلام >>>هادا كلامهم    الثلاثاء نوفمبر 30, 2010 4:47 pm

هلا بيكم بنات و اولاد جدة >>>>>> وغير اللي في جدة كماان هلا بيكم >>>اتكلم لفتره جداوي خخخ بس جده احلى مدينه

شوفوا الكلمات هدي واحكموا واتحدى اذا ما قلتوا كلمة منها >>>> خخخخخخخخخخخخ


أبو كلب
وهادي الكلمة تنقال لما يكون في شي ما يعجبك هههههههههاي يعني زي
لمن يكون جوالك قديم ومعدوم العافيه تقول عليه جوال أبو كلب ولمن
يكون قلمك ما بيكتب زي الأوادم ويقطع تقول قلم
أبو كلب



أشكل

جات فتره انتشرت دي الكلمة بصورة كبيرة وهيا بشكل عام معناها الطناش
فلمن تيجي تبغى تطنش شي تقول أديه اشكل ومأخودة من لعبة البلوت او
الورق للاخوان اللي ما يعرفو معنى البلوت
أطبعوا
ههههههههههاي من الألفاظ المضحكة جدا وتنقال لمن شخص ما يسمعك ويسأل
ايش قولت وماتعيد الكلام تاني فتقوله اطبعو بلاهه وربي
بلاهه






أل

انتشرت بشكل رهيب اضافة ال التعريف من باب المبالغة في الفترة
الاخيرة زي مثلا لمن تشوف واحد غشيم تقول مو بس غشيم الغشيم ههههههه
لمن شباب يعاكسوا في السوق ويشوفو بنات ما يقولو بنات البنات ما رح
يفهمها الا اهل الحجاز بصراحه لانها تتنطق بطريقة مميزه
=== > يموت في الطرق المميزه




إنبراش

نعرف انه لمن بتلعب كوره واحد يدخل عليك معناتها انبرش عليك لكن عند
الشباب صار لها معنى تاني انبراشة صار معناها انه دخله غلط وسط
الكلام يعني انه تكون انته والشلة بتهرجوا في موضوع ويجي واحد يقول
كلام مالو أي علاقة بالموضوع هنا نقول فلان انبرش وهادي تصير
انبراشه
ولا لمن يكون الكل ساكت ويجي واحد يقول كلام ماله داعي زي
نكته بايخه مثلا هنا نقول على الحركة دي انبراشه





بسط وهز وسط
تخيلو الفيلم الهندي دا كولو عشان تجاوب على احد يقولك كيف حالك؟
بلف :ههههههههههاي من اضحك المصطلحات بصراحة طبعا الشباب يعرفو البلوف
معنى انه شخص ينبلف يعني انه يسوي الشي بسرعه بدون تفكير مثلا لو
شاف صاحبه اشترى سياره جديده وعجبته قوام جاب وحده من نفس النوع هنا
نقول انه بلف ينبلف بسرعة هههههههههاي ولمن يكونو اتنين بيتضاربو
ويجي واحد يحرش ..

ولا لما يكون واحد يجري بالكورة ولساعو بعيد عن المرمى ويجي واحد

يقولو شوووت يقوم يشووت كدا بسرعة دا نقول عليه انبلف ههههههههااي
احس بعض الناس ماحتفهمها بس هوا معناها كده وخلاص




تشبيك : ودي الكلمة معروفه وانتشرت بمختلف ارجاء المعمورة ومعناها انه لمن
واحد يقول انا شبكت فلانه يعني انا خليتها تعجب فيا وتحبني ولا
تكلمني وزي كدا




تغريز

كلمة يعرف انه لمن السيارة تغرز يعني تغرز في الرمل لكن بين الشباب
المصطلح ده غير يعني لمن انته تيجي وتقول غرزت عند فلانه يعني وقعت
في دباديبها ههههههههههه او تقول فلانه غرزت عندي يعني وقعت في
دباديبي ايش بالله الكلام الفاضي دا نجيبلك ونش
احسنلك
هههههههههههههههههههاي


حمزه : هادي اللفظ اللي المفروض يتلغى من قاموس الشباب بتاتا البتة لأنه
على اسم صحابي جليل وحرام نهين الأسم بالصوره هادي وحمزه هادا اللفظ
معروف حاليا بين مجتمع الشباب بالشخص الركاب يعني الكزاب فلمن تلاقي
احد يبكش يقولوه بس ياحمزه
((ومو قصدي عليك ياحمزه ))


جنط : الكل يعرف جنوط السيارات طبعا لكن اليومين دول برضو صار للجنط
معنى تاني ..
يعني لمن واحد يقرفك ويطفشك من كلامو ..
يقولولك الشباب اعطيلو جنط يعني طناش ..
وهادي زكرتها فوق بمعنى
أشكل


دافور : دافور معناها زمان في الحجاز الفرن ولكن دحين صار معناها البنت او
الولد الشاطر\ة في الدراسة نقول عنه\ا دافور\ه اللي دايمن شغال
عالكتب ولا يسيبها زي ما يسموه المصارية عثة كتب


دعس : دي الكلمة تنقال للاقدام على الشي وتنفع مرادف لكلمة قدام يعني
لمن مثلا يجي احد يقولك تيجي نروح التحلية ترد عليه وتقول والله دعس
يعني يلا معاك
ولا هيا شباب نلعب كورة يقولولو ادعس


زي الكرتوووون : تنقال للواحد
الأهبل




شاكوش

: معناها الاصلي طبعا المطرقة لكن دحين صار معناها البنت ولا الولد
اللي مو حلو هههههههاي نقول عنه شاكوش




شباب في رحلة

: وهيا مرادف لكلمة مشى حالك اللي أستخدمتها كتير في كلامي فلمن
تعمل شي وما يطلع مره مزبوط فتقول للي جنبك يااخي عادي شباب في رحلة
ههههههههههاي من فين جات هادي الله اعلم
ولا تسوي شي مو معتاد كدا وتحس احد استغرب فتقولو شباب في رحلة ياخي


شوربة

: طبعا كلنا نعرف الشوربة احلى شي عندنا هنا شوربة الحب على الفطور
ياسلام سلم لكن
هنا معناها غير فلمن انته تقول شوربه يعني شي سهل
فلمن مثلا يكون عندك اختبار ويكون سهل جدا تقول الاختبار كان شوربة
وهكذا
ولا مسلا تكلم احد وتقولو انا اروح شوربه ..
يعني اروح وطي ..
ولا تيجي المدام تجبلك الاكل تقوم تقولها حياتي من غيرك شوربة


صاروخ : هههههههاي طبعا نعرف الصواريخ لكن هنا معناها شي ثاني معناها

البنت الحلوة فلمن الاولاد يشوفو بنت حلوة يقولو عنها صاروخ




صهيوني
: كلمة جدا وحشه بصراحه وما احب انه نستخدمها وهي تنقال للشي الحلو
فيقولو لو شي جدا جميل صهيوني وهي مو حلوه لانه الصهاينة اليهود مو

من الجميل
ننسب لهم الحاجات الحلوه




طقطقة : ودي الكلمة تنقال لمن تبغى تتسلي في واحد يعني تستعبط عليه وهوا
اهبل يكون مسكين على نياته وتلاقي ياما شباب مثلا متجمعين يقولو لو
جا فلان نطقطق عليه ولا تلاقي واحد يجي يقول امس طقطنا على راس فلان
وزي كده




في الألف وفي المليون

دي حلوه مره وهيا لمن تشوف شي يعجبك ويكون مميز مافي زي يعني او
تعمل حركه مميزه او شي زي كده لنفرض مثلا جوال عجبك تقول والله جوال
في الألف أو تقول جوال في المليون



ما عندك احد : هههاي كلمه فله ولمن مايكون عندك هرجه
وتنقال للشي اللي مو تمام


نمرة واستمارة

: ودي تنقال عند التأكيد وغالبا في الغباء والهباله زي مثلا تقول

فلان أهبل بنمرة واستمارة


كاي
: وهادي هيا ضحكة الشباب الجديدة ويضحكوها وقت التريقة والشماتة و
لا دحين صار الضحك تقول كااااااي بصوت عالي وتمد الألف


هبقة
: هبقة زمان اعتقد كان معناها سرقة لكن دحين اتغير المعنى فلمن تقول
مثلا والله هبقت انا والشباب ورحنا الكباين متلا فهبقة فهنا معناها
طلعة وليها معنى تاني بمعنى هروب زي لمن طالب يقول أمس هبقت من
المدرسة يعني شردت منها او تسوي حاجة غريبة على حركاتك انتا تقول
يا
عمي هبقة


يعطيك
: دي الكلمة من الكلمات الجديدة وتنقال للتشجيع يعني لمن تلاقي احد
عامل حاجه رهيبه تقوله يعطيييييييييك بمد الياء التانية زي مثلا
يكون سجل قول ولا شي زي كده


أرنب .. ركبتي .. من الكلمات الي تدل اني انا بسمه بكشه قدامي ..
فيعني قلك بيسو انهم محترمين ومايبغو يقولو للقدامهم انو كزاب ..
يقومو يقولولو كده يعني زي واحد قاعد يتكلم ويحكي وكول كلامو بكش
يقوم واحد يقول للتاني يووواد شوف شوف ارانب



يلعن ام الفله ..
وهادي من
الكلمات الي ماسكه في لساني ...

لمن يكونو في شباب وعجبتهم مره الطلعه ولا في اولا يبسطو الواحد
يطلعو يقومو يقولو على الطلعه مثلا يلعن ام الفله ..



امووو

يعني مسلا مين فين لأمو حلو ..
يابن الناس سيب امو في حالها هيا اشلها صلاح ..
فوكنا ..
يعني تكون مافيك و واصله معاك على النهايه ..
واحد مطفشك تقولو ياشيخ فوكنا ..


فوكها ..
هههههههههههاي هادي المره هوا حيفكها ..
لمن الواحد تكون اخلاكو زفت ومررره طين ..
تقولو ياشيخ خلاص فوكها
...


قويه ..
لمن يسير شي مو عاجبك ولا شي كده مو زي الناس ..
تقول قوييييييييييييه بشد الياء




خريييش..
دي الكلمة لمن تكون جالس بين الشباب ويجيك واحد

يجلس يكدب ويلفق في الحكاية ويملح فيهاتقوم تقول خريييييش



كووووووول .. وتنقال على أي شي يعجبهم ..

وهادي حكتر منها ..



جييييييد ..
بشد الياء .. لمن يعجبك الشي كول جيييييييد ..



بااااااااد .... لمن تشوف امر مو حلو ولا ولد سيء منظرو يقولو عليه باد .
بمد الالف ..



هيااا خير
كلمتي المعتادة
لما يسير شي مفاجيء ولا يكون في حاجة غريبة كدا ولا باسوي نفسي
مستغرب ولا باستهبل اني مش مستوبع فعلى طول

هيااااا
خيييييييييييييير



كل فطير وطير


يعني يللا روح سري راحت عليك خلاص



انشكاح ..

ومعناها يعني لمن الواحد بيسمع خبر حلو ولا عندو خرجه خطيره وفيها
فله تلاقي طاير من الفرح ومين قدو .. على طول نقولو بطل انشكاح
تلاقيه منشكح



لاتدف
كلمه حلوه وتنقال لمن تكون تتكلم ومتحمس في الهرجه ومتفعل في كلامو
ويأشر بيدو كده ويطلع فيها وينزل .. ولا واحد معصب وبيهزئ في الكلام .
ولا كده واحد يقول يلا بسرعه سوي كده دحين ..
تقوم تقولو
لاتدف


قردنه .. ..
مثلا تبغى تخرج وابوك مصر انك اليوم معاقب مافي خوروج ..
على طول يقولك صاحبك ياشيخ روح قردنو .. يعني روح جيب راسو ..
ههههههههههههههههههههههههاي
مو راسو يعني تروح تقتل الرجال وتجيب راسو ..
لا لا يعني تجيب الموافقه ويقول طيب او تروح تقول لصحبتك نبغا نخرج
وهيا تقولك لا ومدري ايش فتقعد تقردنها الين ما ترضى
ههههههههههااي


اصرفها.. اخرشها
هههههههههههاي كلمه في اللزيز ..
عندك كده كدبه ومنتى عارف تكزبها وخايف وعامل الولد الي ماعمرو يكزب
وانت دحين في ورطه ولازم تكزب ..
يقوم صاحبك يقولك ياشيخ خلاص اخرشها ولا اصرفها

ولا سويت مصيبة وتبغا تلف الموضوع فتبدا تفكر كيف تخرشها ولا تصرفها





نص كوم
حركات النص كوم دي بطلوها ..
تقعد تعملي انك ولد كووول وفي النهايه ايش تبغى ..
كده قول مين الاخير ..
عندك شي تبغاه مصلحه تبغاها قول ..

لكن لاتقعد تدحلس عندي وتعمل حركات نص كوم



خخخخخخخخخخخخخخخخخخخخخخخ
و اكيد ما حتنسوا الردود

Www.WaNaSaH.ace.sT
الرجوع الى أعلى الصفحة اذهب الى الأسفل
RaYaN
إدارة منتديات وناسه
إدارة منتديات وناسه
avatar

مساحه إعلانيه : مساحه إعلانيه
عدد المساهمات : 1528
تاريخ التسجيل : 04/07/2009
العمر : 28
ذكر رصيدي بالبنك : 12460
التقييم : 39
الموقع : wanasah.ace.st

مُساهمةموضوع: رد: كلام جده ---جده كلام >>>هادا كلامهم    الثلاثاء نوفمبر 30, 2010 6:40 pm

غريبه الواد استفهام ينزل مواضيع حلوه

ههههههه

يسلموو استفهام عالجو الحجازي البحت

موضوع جدا جميل

اشكرك عالنقل

Www.WaNaSaH.ace.sT


ودي ترجع أيام حبك مثل الأول
ودي تكون أيامنا من أجمل لأجمل
~
حط فبالك أني أحبك ومهما كان أنت الأول
دخيلك شيل من بالك فكرة حبيبك تحول
هـ ـاج ـرال ـدرب
الرجوع الى أعلى الصفحة اذهب الى الأسفل
http://wanasah.ace.st
¨˜˜°º̶̶ƷE$tfhaMƸ̶º°˜˜¨
مراقب عام
مراقب عام


مساحه إعلانيه : مساحه إعلانيه
عدد المساهمات : 1278
تاريخ التسجيل : 13/09/2009
ذكر رصيدي بالبنك : 11323
التقييم : 6

مُساهمةموضوع: رد: كلام جده ---جده كلام >>>هادا كلامهم    الأربعاء ديسمبر 01, 2010 5:54 pm

قلك اني ما انزل مواضيع حلوه كل مواضيعي حلوه

انا من يوم حمودي اشترك صرت انزل مواضيع حلوه
هع
انا الي اشكرك على ردك للموضوع

Www.WaNaSaH.ace.sT
الرجوع الى أعلى الصفحة اذهب الى الأسفل
saeed
مشرف بالدردشه
مشرف بالدردشه
avatar

مساحه إعلانيه : مساحه إعلانيه
عدد المساهمات : 64
تاريخ التسجيل : 11/06/2010
العمر : 22
ذكر رصيدي بالبنك : 2968
التقييم : 10

مُساهمةموضوع: رد: كلام جده ---جده كلام >>>هادا كلامهم    السبت ديسمبر 04, 2010 6:58 pm

هو حلو الموضوع بس لازم اؤجع للدكتور العيون بسبب الالوان
تسلم يا ؟؟؟؟ استفهام واقبل مروري Very Happy
الرجوع الى أعلى الصفحة اذهب الى الأسفل
¨˜˜°º̶̶ƷE$tfhaMƸ̶º°˜˜¨
مراقب عام
مراقب عام


مساحه إعلانيه : مساحه إعلانيه
عدد المساهمات : 1278
تاريخ التسجيل : 13/09/2009
ذكر رصيدي بالبنك : 11323
التقييم : 6

مُساهمةموضوع: رد: كلام جده ---جده كلام >>>هادا كلامهم    الثلاثاء ديسمبر 14, 2010 5:52 am

ههه حلوه
معليش مركزت في الاوان
لما تتقرا مواضيعي جيب معاك جزر هه
اقتباس :
تسلم يا ؟؟؟؟ استفهام واقبل مروري Very Happy
يسلم راسك
وانت فوق راسي كيف ما اقبل
انا اشكرك كمان على مرورك

Www.WaNaSaH.ace.sT
الرجوع الى أعلى الصفحة اذهب الى الأسفل
sara..
عضو متمكن
عضو متمكن
avatar

مساحه إعلانيه : مساحه إعلانيه
عدد المساهمات : 113
تاريخ التسجيل : 01/02/2011
انثى رصيدي بالبنك : 3571
التقييم : 10

مُساهمةموضوع: رد: كلام جده ---جده كلام >>>هادا كلامهم    السبت فبراير 26, 2011 9:19 pm




موضوع ممتع

حلووووو حلوووووووو


اعجبتني اللهجه


يعطيك العافيه
الرجوع الى أعلى الصفحة اذهب الى الأسفل
¨˜˜°º̶̶ƷE$tfhaMƸ̶º°˜˜¨
مراقب عام
مراقب عام


مساحه إعلانيه : مساحه إعلانيه
عدد المساهمات : 1278
تاريخ التسجيل : 13/09/2009
ذكر رصيدي بالبنك : 11323
التقييم : 6

مُساهمةموضوع: رد: كلام جده ---جده كلام >>>هادا كلامهم    الأحد فبراير 27, 2011 5:52 am

الله يعافيكي
كذا حنا اهل جده لهجتنا حلوه واهلهنا طيبين


Www.WaNaSaH.ace.sT
الرجوع الى أعلى الصفحة اذهب الى الأسفل
 
كلام جده ---جده كلام >>>هادا كلامهم
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: المنتديات العامه :: القسم العام-
انتقل الى: